النقاط التي نتحدث عنها اليوم :
1- ازمة هواوي من البدايه .
2- توقعات الخبراء .
3- نصائح لأزمة هواوي .
موبايلات هواوي في خطر !
- في شهر مايو 2019 صدر الأمر الامريكي التنفيذي بحظر تعاون الشركات مع شركة هواوي ، وده أثر أكيد ع هواوي ف حظر استخدامها لخدمات جوجل في الهواتف المنتجه لها .
- من ساعة ما القرار طلع حصل استثناء بعض الهواتف من الاصدارات القديمه لشركة هواوي وكان في رخصه 3 شهور من جوجل لتنزيل التحديثات الخاصه بها ومن المفترض انها تتجدد تاني بعد 3 شهور من انتهاء المده !
توقعات الخبراء .
- المشكله ان فعلا المده انتهت من 3 ايام ولم يتم تجديد مدتها ، حسب بعض التوقعات لمصادر بيتوقعو ان كده موبايلات هواوي اللي نزلت سواء قبل او بعد القرار الامريكي و(طبعا كلنا عارفين ان هواوي بتستخدم نظام اندرويد ) مش هينزلها تحديثات أمنيه ولا للنظام ولا للتطبيقات ودي تعتبر مصيبه لهواوي!
هنا بأ حد هيقولي ممكن يتم تجديد الرخصه للهواتف القديمه تاني ؟
- ممكن ايوه ، بس في ظل الاجواء اللي احنا فيها دي صعب يتوصلو لاتفاق تجديد ، امريكا بتدمر شركة هواوي ، وقفت عنها انتاج المعاجات ومش هتقدر تصنع معالجات كرين تاني !
-و الخطوه الجايه هي ضرب السوفت وير بشكل كام وهنا هتبأ اكبر ضربه لهواوي ، ودي هتكون ازمه اكبر لهواوي لان بذالك هتأثر تأثير مباشر علي شركة هواوي و هيصعب الامور اكثر .
- هي امريكا مش مستهدفه هواوي علي وجه الخصوص وده يتضح انها مستقصده شركات تانيه زي تيك توك منعت عنها التعامل المالي هي وشركة وي شات و التفكير دلوقت علي حظر شركة علي بابا .
دلوقت الشركه في أزمه حقيقيه :-
■تحتاج انها تستخدم معالجات مختلفه لهواتفها .
■ الموبايلات القديمه مش هتقدر تستخدم التحديثات الجديده طبعا وده هيخليها عرضه للاختراق بشكل كبير .
■دلوقت الشركه هتستخدم نظام اندرويد خام او نظام وينج منج او harmony، ودي برضو مشكله علشان هو بيشابه نظام ويندوز فون، وده نظام كان حلو لكن الدعم و التطوير عليه ضعيف للاسف، وده عليه تطبيقات قليله واصبح نظام فاشل .
نصائح لأزمة هواوي :
●بلاش تشتري موبايل هواوي لان باين كده مفيش حل للازمه .
●النصيحه الاهم انك متشتريش موبايل صيني لان امريكا معندهاش مانع تكرر نفس اللي عملته مع اي شركه صينيه
إرسال تعليق